Një parashutiste ka rënë sot rreth orës 13:30 në afërsi të Plazhit të Ri. Gjatë zhvillimit të aktivitetit të hedhjes me parashutë në Kaninë, një vajzë është dëmtuar gjatë uljes dhe është dërguar në spitalin e Vlorës, ku raportohet se është në gjendje të mirë shëndetësore, jashtë rrezikut për jetën.
Incidenti ka ndodhur në afërsi të Plazhit të Ri të Vlorës, ku gjatë uljes së parashutës, shtetësia me inicialet D.J. 32 vjeçe është dëmtuar lehtë për shkak të rrymave të forta të erës.
Drejtori i Aeronautikës, Alket Islami, ka sqaruar incidentin e ndodhur në Vlorë sot në mesditë.
“Vajza u dëmtua në momentin e uljes. Është jashtë rrezikut për jetën. Nuk është parashutiste, por ka qenë me një pilot nga Kosova duke bërë fluturim. Ka qenë thjesht një çështje manovre kur ka rënë, por nuk ka asnjë rrezik për jetën. Vlora këto ditë mbushet dhe me pilotë të vendeve të tjera në kuadër të përgatitjeve për kampionatin botëror që do të zhvillohet në Vlorë më 8 Maj. Këto janë ditë të lira ku pilotët mund të bëjnë stërvitje”,- deklaroi ai për Report TV.
